Shefi i grupit parlamentar i Vetëvendosjes, Glauk Konjufca ndërsa ka folur për zgjedhjet e jashtëzakonshme ka thënë se presidenti nuk i cakton zgjedhjet në Kosovë.

Ai ka pohuar se kjo është kompetencë që nuk e ka presidenti.

“I fton partitë politike dhe ato i tregojnë kur duan zgjedhjet, Pra pajtohet me vullnetin e subjekteve politike. Unë e kam pa që të gjitha partitë janë për zgjedhjeve, edhe vet PAN-I”, ka deklaruar Konjufca për T7, shkruan Reporteri.net.

Ndërsa duke folur për mundësinë që LDK t’i bashkohet PDK-së për të vazhduar qeverinë, ai ka thënë se nuk beson se mund të ndodh kjo gjë.

“Do të ishte fatale për LDK-në nëse i bashkohet PDK-së. Tash nuk ekziston PAN-i. Tash ekziston veç Kadri Veseli. Unë mendoj se gjasat janë të pamundshme. Gjasat janë të pakonsiderueshme me u bo bashkë LDK-ja me PDK-në”, ka deklaruar Konjufca.

Kurse i pyetur për deklarimin e Haradinajt se janë bërë shumë gjarpërinj, Konjufca tha se “është mirë në fillim mos me u lidh me të (gjarpin), se kur të prishesh me gjarprin të gjithe të duken gjarpëroj”.

Konjufca ndërsa foli për dorëheqjen e Haradinajt tha se ky i fundit ka filluar fushatën para të gjithëve sepse tregoj ambiciet për me u bo kryeministër sërish.

“Më fer ish kanë mas dy ore me mbajt një konferencë tjetër, pra një për dorëhqje e tjetrën për zgjedhje”, tha Konjufca. /Reporteri.net/.