Një takim mes Dardan Molliqajt të PSD-së dhe Lutfi Hazirit të LDK-së është zhvilluar dje gjatë ditës.

Të dy protagonistët thanë se ky ishte një takim i rastësishëm, ndërsa bashkë-partiaku i Molliqajt, Visar Ymeri deklaron se për këtë takim është informuar nga mediet.

Sipas tij, ata nuk kanë folur asgjë të veçantë dhe se ky takim vërtetë ishte i rastësishëm.

“Ky ishte takim i rastësishëm, nga deklarimet e Dardanit dhe Lutfiut, të dy thonë që ka qenë i rasishëm, nuk e kam ditur që ka ndodh derisa e kam pa në medie. Ata nuk kanë folur për diçka të veçante, përveç situatën politike në vend”, tha Ymeri në T7.