Ligjërata e të premten ose siç njihet në fenë myslimane dita e xhumasë, në të gjitha xhamitë e Kosovës,  do t’i kushtohet luftës kundër drogave.

Këtë e ka bërë të ditur shefi i Task Forcës shtetërore kundër narkotikëve dhe për sigurinë në shkolla Avdullah Hasani, përmes një postimi në Facebook.

Ai ditë më parë është takuar me kryemyftiun e Kosovës, Naim Tërnava.

“Pas Takimit në javën e kaluar me Myftiun, Naim Tërnava, jemi dakorduar që nesër në ligjëratat e xhumasë, në të gjitha xhamitë e Kosovës, të jepet mesazh kundër përdorimit të narkotikëve, në mbështetje të veprimtarisë së Task-Forcës së Qeverisë të themeluar për këtë qëllim”./Reporteri.net/.