Kryeministri i Shqipërisë, Edi Rama, përmes një postimi në Facebook ka ndarë momentet e ceremonisë të nënshkrimit të marrëveshjes për futjen e dronëve.

Sipas tij këta dronë të famshëm Bayraktar do të jenë pjesë e arsenalit të Forcave të Armatosura të Shqipërisë.

Në ceremoninë e nënshkrimit të marrëveshjes mes ministrisë shqiptare të Mbrojtjes dhe kompanisë turke “Bayraktar”, kryeministri i Shqipërisë, Edi Rama, tha se kjo marrëveshje është arritur falë partneritetit strategjik me Turqinë dhe për këtë falënderoi presidentin turk, Recep Tayyip Erdogan.

Rama bëri të qartë se dronët do të përdoren edhe për misione ushtarake, por edhe policore dhe civile.