Si është Pele? Pyetja që po pushton aktualisht gjithë botën e futbollit.

Vajza e 82-vjeçarit, Kely Nascimento, ndau një foto në Instagram mbrëmjen e së premtes, duke përqafuar legjendën e futbollit në shtratin e spitalit.

“Ne jemi këtu, me luftë dhe besim. Edhe një natë bashkë”, shkruan ajo

Shëndeti i legjendës është përkeqësuar. Spitali “Albert Einstein” në Sao Paulo njoftoi gjatë javës se kanceri i Peles kishte përparuar dhe se ai kishte probleme veshka dhe zemër.

Mediat braziliane raportojnë gjithashtu se spitali ka njoftuar të gjithë familjarët se duhet të vijnë në vend.

Pele konsiderohet si një nga futbollistët më të mëdhenj në histori. Ai luajti 92 ndeshje ndërkombëtare për Brazilin dhe fitoi Kupën e Botës tri herë (1958, 1962, 1970).

Duket se legjenda e futbollit fatkeqësisht po i numëron ditët e fundit, pasi kanceri ka përfshirë pjesët kryesore të organizimit dhe terapitë nuk kanë efekt më tek ai.