Ish prokurori i Krimeve të Rënda Eugen Beci ka renditur tre pistat që duhet të ngrejë sot prokuroria për të hetuar zhdukjen e të shumëkërkuarit Ervis Martinaj.

Beci u shpreh në Euronews Albania se duhet hetuar nëse Martinaj është zhdukur vetë për të humbur gjurmët për shkak të precedentëve, nëse është rrëmbyer dhe nëse është vrarë nga rivalët e tij.

“Versionet janë versionet e hetimit. Largimi i vullnetshëm i personit, ose ajo që quhet vetëzhdukje. Për shumë arsye, zhduket, humbet çdo gjurmë, për shumë arsye, qoftë për problemet, precedentët apo për borxhet, flas në teori pse ndodh një gjë e tillë.

Pika e dytë, rrëmbimi apo mbajtja peng e personit, kemi apo jo pasojë, është tjetër problem Dhe versioni tretë, vrasja e drejtpërdrejtë e personit. Këto janë tre versionet dhe këto tre versione, jo policia, por edhe prokuroria së bashku duhet t’i eliminojnë njëra me tjetrën”, theksoi ai.