Uellsiani Gareth Bale, pritet që të nënshkruajë me skuadrën e Super Ligës Kineze, Jiangsu Suning.

Numrit 11-të të Real Madridit, sipas të përditshmes spanjolle MARCA, i është ofruar kontratë 3 vjeçare dhe do të fitojë 22 milionë euro në sezon.

Sipas gazetës, Bale nuk është pjesë e planeve të trajnerit Zinedine Zidane për sezonin e ardhshëm dhe agjenti i uelsianit, Jonathan Barnett ka qenë në negociata me klubin kinez javëve të fundit.

Jiangsu është pronë e Suning Business Group, të cilët kanë blerë vitin e kaluar 70 për qind të aksionëve të Inter.

Sezonin e kaluar, Interi ishte përpjekur për ta transferuar Luka Modricin në Itali duke i ofruar një marrëveshje të mirë që përfshinte edhe një transfer në Kinë në momentin që do të vendoste të pensionohej./Reporteri.net/.