Federata Franceze e Futbollit ka njoftuar se e ka zgjatur kontratën e Didier Deschamps, deri në qershor të vitit 2026.

I emëruar më 9 korrik 2012, Deschamps ka një rekord të jashtëzakonshëm në krye të kombëtares franceze me 89 fitore, 28 barazime dhe 22 humbje në 139 ndeshje – 279 gola të shënuar dhe 119 të pësuar.

Nën drejtimin e tij, skuadra franceze fitoi Kupën e Botës 2018, Ligën e Kombeve 2021, arriti në finalen e Euro 2016 dhe atë të Kupës së Botës 2022.

Aktualisht Franca është në vendin e 3-të në renditje të FIFA-s.