Barcelona raportohet se është e interesuar të nënshkruajë me Sofyan Amrabatin në orët e fundit të këtij afati kalimtar dimëror.

Mesfushori ka qenë në qendër të vëmendjes të disa klubeve të mëdha evropiane, që prej kohës kur shfaqi paraqitje të mira me Marokun në Kupën e Botës “Katar 2022”, transmeton Gazeta Express.

Çmimi i caktuar nga Fiorentina prej 30 milionë eurosh për Amrabatin besohet se i largoi disa klube nga interesimi i tyre.

Sipas gazetarit Gerard Romero, katalunasit do të punojnë për huazimin e 26-vjeçarit deri në fund të sezonit.

☎💣 ÚLTIMA HORA @JijantesFC

El F.C. Barcelona estaría trabajando en la cesión por 6 meses sin opción de compra obligatoria del jugador marroquí Sofyan Amrabat

Después de este período el club puede decidir si se lo queda o nohttps://t.co/OGW0AKBuBT

— Jijantes FC (@JijantesFC) January 30, 2023

Barcelona thuhet se nuk planifikon të përfshijë opsionin e blerjes.

Amrabat është paraqitur në 17 ndeshje në Serie A këtë sezon, teksa nuk ka shënuar apo asistuar në asnjë rast.

Në anën tjetër, qëndrimi i Fiorentinas thuhet se është të mos e lejojë largimin e futbollistit.

Sofyan Amrabat ka kontratë të vlefshme deri më 30 qershor 2024.