Real Madrid nuk e ka marrë Eden Hazardin që ata kanë kërkuar. Siç raportohet në mediat spanjolle belgu ka shkuar në parasezon tek madrilienët me hiç më pak se 7 kilogram mbipeshë.

Për Zinedine Zidanen nuk ka qenë kjo vera më e mirë, anipse transferoi futbollistin që e kërkoi tash e sa kohë, shkruan Reporteri.net

Një problem që së fundmi ka shqetësuar klubin, një problem që Zidane as që e ka menduar të merret me të, është pesha e Hazard.

Sipas ‘Sport’s, belgu ka shkuar në detyrë në parasezonen e klubit me një ‘bure’ mbipeshë.

Kjo ka shkaktuar nervozë tek presidenti i klubit, Florentino Perez, i cili e kishte ngritur në qiell transferimin e Hazard, duke thënë se ai do të ishte futbollisti që do të zgjidhte problemet e Realit.

Tani raportohet se Perez nuk ka besim në Hazardin dhe ka nënshkruar me të vetëm për shkak të kërkesës së Zidane.

Për Hazardin kjo nuk është hera e parë që përballet me probleme të mbipeshës pasi edhe në sezonin 2015/16 kishte të njëjtat probleme, që ndikuan në formën më të keqe të karrierës së tij./Reporteri.net/