Real Madridi ka shënuar fitore ndaj Al Hilal me rezultat 5-3 në finalen e madhe të Kupës së Botës për klube.

Për 20 minuta Reali shkoi në epërsi prej dy golave, Vinicius Junior shënoi për 1-0 dhe më pas Fede Valverde për 2-0.

Al Hilal u kthye në lojë pas tetë minutash, kur Moussa Marega shënoi për 2-1, me të cilin reazultat shkuan ekipet në pushim.

Karim Benzema në minutën e 54-të shënoi për 3-1, kurse pas katër minutash Federico Valverde shënoi për 4-1.

Al Hilal zbuti epërsinë në 4-2 me golin e Luciano Viettos. Por madrilenët kthyen epërsinë prej tri golash, kur në minutën e 69-të, kur Vinicius Junior shënoi për 5-2.

Goli i fundit i ndeshjes erdhi në minutën e 79-të, kurLuciano Vietto shënoi për 5-3.

Deri në fund nuk kishte më gola dhe Real Madridi fitoi trofeun si kampion i botës për klube. /Reporteri.net/.