Një tren që transportonte lëndë kimike doli nga shinat në Ohajo. Tashmë shumë banorë të rajonit ankohen për probleme shëndetësore dhe se kafshët shtëpiake po u vdesin.

Drama nisi pak ditë më parë, kur një tren i ngarkuar me kimikate doli nga shinat në qytetin e Palestinës Lindore, Ohio, më 3 shkurt. Shërbimet e urgjencës vendosën të digjnin ngarkesën në mënyrë të kontrolluar.

Arsyeja për këtë ishte se disa nga kimikatet ishin shumë të ndezshme dhe rrezikonin të shpërthenin, shkruan Blick.

Një nga toksinat ishte klorur vinil. Djegia e klorurit të vinilit prodhon klorur hidrogjeni dhe fosgjen.

Kloruri i hidrogjenit mund të shkaktojë djegie të rënda. Së basku me fosogjenin u përdorën poashtu edhe në Luftën e Parë Botërore.

Departamenti Amerikan i Shëndetësisë paralajmëroi se kushdo që ekspozohet ndaj tymit duhet të presë simptoma, disa prej të cilave janë të rënda, si acarim i syve, hundës, fytit dhe lëkurës, gjak në urinë, të vjella dhe dëmtime të sistemit nervor.

Një fermer thotë se kafshët e tij kanë ngordhur dhe se ai ka gjetur dhelpra të ngordhura në livadhe.

Disa banorë ankohen për të përziera, keqtrajtim dhe dhimbje koke. Edhe 16 kilometra larg vendit të aksidentit pati një ngordhje masive të kafshëve, përcjell Insajderi.

Një grua nga fshati North Lima i tha stacionit televiziv WKBN se të gjitha pulat i kishin ngordhur.

“Nëse kjo mund t’u bëhet pulave brenda një nate, imagjinoni se çfarë do të na bëjë në 20 vitet e ardhshme” – tha ajo.

⚠️ JUST IN: Woman finds all her chickens dead 10 miles from East Palestine, Ohio.

Following the major deadly release of toxins the "chickens slowed down & died".

"If it can do this to chickens in a night, imagine what it will do to us in 20 years". #OhioChernobyl pic.twitter.com/KSMyimYcgS

— Upward News (@UpwardNewsHQ) February 14, 2023

Lumi Ohio ishte gjithashtu i ndotur

Toksinat e rrezikshme gjithashtu hynë në tokë dhe në lumin Ohio prej 1579 kilometrash. Prandaj autoritetet ndaluan përdorimin e ujit.

Lumi Ohio përshkon qytetet e Cincinnati dhe Louisville. Njerëzit atje tani kanë frikë edhe nga efektet në shëndetin e tyre. Lumi Ohio më në fund derdhet në Misisipi, mbi të cilin shtrihen qytetet Memphis dhe Luiziana.