Një ngjarje e rëndë ka ndodhur pasditen e kësaj të martë në qytetin e Durrësit, ku një këmbësor është përplasur nga treni.

Aksidenti ka ndodhur në hyrje të qytetit, fare pranë urës së Dajlanit. 35 vjeçari, ende i paidentifikuar, ndodhet në spital në gjendje kritike për jetën.

Informacion paraprak i policisë:

Më datë 30.07.2019, rreth orës 14:50, në lagjen Nr.4 Durrës, një shtetas rreth 35 vjeç , ende i paidentifikuar, është aksidentuar nga treni.

Ai u transportua në spital ku ndodhet nën kujdesin e mjekëve.

Grupi Hetimor ndodhet në vendngjarje dhe po punon për zbardhjen e plotë të kësaj ngjarje.