Ministri i Mbrojtjes, Armend Mehaj ka njoftuar se kontingjenti i FSK-së ka festuar 15-vjetorin e pavarësisë në Hatay të Turqisë.

Mehaj thotë se edhe pse në gjendje të jashtëzakonshme, ushtarakët të forcave turke gjetën kohë të vizitojnë ushtarakët tanë në zonën e operacionit të kërkim- shpëtimit, për t’u uruar Ditën e Pavarësisë.

“Kontingjenti ynë festoi 15 vjetorin e Pavarësisë në Hatay të Turqisë Edhe pse në gjendje të jashtëzakonshme, ushtarakë të forcave turke gjetën kohë të vizitojnë ushtarakët tanë në zonën e operacionit të kërkim- shpëtimit, për t’u uruar Ditën e Pavarësisë”, ka shkruar Mehaj në një postim në Facebook.

Sipas tij, komandot e forcave turke në shenjë falënderimi dhuruan flamurin e Turqisë.

“Gjithashtu, komandot e forcave turke në shenjë mirënjohje e falënderimi për gjithë mbështetjen e ofruar nga shteti dhe ushtria jonë dhuruan flamurin e Republikës së Turqisë. Miku më i mirë është ai që ke përkrah në ditë të vështirë!”, ka përfunduar Mehaj.