Nënkryetarja e PDK-së, Vlora Çitaku ka reaguar pas publikimit të disa pamjeve të zëvendëskryeministrit Besnik Bislimi, i cili nuk lëviz nga vendi teksa intonohet himni i Kosovës në një ndeshje futbolli, shkruan Reporteri.net.

Në pamjet e kapura nga të pranishmit në një ndeshje miqësore që po zhvillohej mes futbollisteve veteranë të Kosovës dhe atyre të Gjermanisë, Bislimi nuk e ka parë të udhës të ngrihet në këmbë në momentin kur është intonuar himni i Kosovës, e po ashtu edhe ai i Gjermanisë.

Këtë veprim të zëvendëskryeministrit, Çitaku e ka quajtur të turpshëm dhe të pabesueshëm.

“E turpshme, po aq sa e pabesueshme. Zv.kryeminister, shko në shtëpi. Flejë pak.
Marre”, ka shkruar ajo.

Ndeshja miqësore mes futbollisteve veteranë të Kosovës dhe atyre të Gjermanisë është zhvilluar sot dhe është pjesë e kalendarit të aktiviteteve të MKRS-së për 15-vjetorin e pavarësisë. /Reporteri.net/