Politikani Ragmi Mustafi, nga Lugina e Preshevës, ka bërë të ditur se, për herë të parë ndonjëherë, në Beograd është festuar Pavarësia e Kosovës.

Mustafi tha se festa u organizua nga ambasadori Jetish Jashari, ku përpos përfaqësuesve nga Lugina e Preshevës, të ftuar ishin edhe shoqëria civile në Beograd dhe diplomatë ndërkombëtarë, shkruan Gazeta Online Reporteri.net.

“Emocion i veçantë. Gëzuar Kosovë”, ka shkruar Mustafi në Facebook. /Reporteri.net/.

Njoftimi i plotë:

PËR HERË TË PARË KOSOVA SHËNON PAVARËSINË NË BEOGRAD

Me ftesë të ambasadorit, Sh. T. Z. Jetish Jashari, për herë të parë u shënua përvjetori i pavarësisë së Republikës së Kosovës në Beograd, në 15 vjetorin e saj!

Përveç përfaqësuesve institucional e politik të Luginës së Preshevës, prezent ishin edhe përfaqësuesit e shoqërisë civile në Beograd, e përfaqësues të misioneve diplomatike ndërkombëtare.

Emocion i veçantë. Gëzuar Kosovë!