Ministria e Jashtme e Zvicrës ka reaguar për zhvillimet e fundit në dialogun Kosovë-Serbi, pas takimit mes liderëve Kurti dhe Vuçiq në Bruksel.

Në reagimin e MPJ-së, thuhet se Zvicra e mirëpret dakordimin e arritur në Bruksel derisa shpreson që diskutimet e mëtejshme të sjellin rezultatet e dëshiruara, transmeton Gazeta Online Reporteri.net.

“Zvicra mirëpret takimin e fundit në Bruksel mes kryeministrit @albinkurti dhe Presidentit @avucic mbi propozimin evropian për normalizimin e marrëdhënieve ndërmjet Kosovës dhe Serbisë. Zvicra, duke mbështetur dialogun e lehtësuar nga BE, shpreson se bisedimet e mëtejshme do të japin rezultatet e dëshiruara”, thuhet në deklarimin zyrtar të MPJ-së të Zvicrës.

Switzerland welcomes recent meeting in Brussels between Prime Minister @albinkurti and President @avucic on the European proposal for the normalisation of relations between 🇷🇸 and 🇽🇰. 🇨🇭, supporting the EU-facilitated dialog, hopes further talks will yield desired results. https://t.co/OuGHnl1pCs

— Swiss MFA (@SwissMFA) February 28, 2023

Kujtojmë se e hëna shënoi deklarimin zyrtar nga kryeministri Albin Kurti dhe presidenti Aleksandar Vuçiq për ta pranuar propozimin e Bashkimit Evropian për arritjen e një marrëveshjeje.

Në të janë 11 nene, dhe plani pos marrëveshjes bazë përmban edhe planin e zbatimit, i cili po ashtu është bërë publik.

Takimi i radhës mes Vuçiqit dhe Kurtit u njoftua nga Presidenti i Serbisë: kur ndërmjetësi evropian, Josep Borrell, ta vizitojë Maqedoninë e Veriut më 18 mars, ai do t’i kushtojë një pjesë të kohës liderëve të Serbisë dhe Kosovës. /Reporteri.net/.

Zbulohet edhe dokumenti i Udhërrëfyesit të zbatimit, pikat e para të marrëveshjes që do të zbatohen janë Asociacioni dhe Kisha