Kryeministri i Kosovës, Albin Kurti ka thënë se presidenti serb, Aleksandër Vuçiq është zotuar se do të kundërshtojë anëtarësimin e Kosovës në OKB, shkruan Gazeta Online Reporteri.net.

Në një postim në Twitter, Kurti thotë se një gjë e tillë përbën shkelje të nenit të 4 të propozimit evropian.

Tutje, Kurti shkruan se normalizimi i marrëdhënieve është i mundur vetëm kur të dyja palët negociojnë në mirëbesim, por siç thotë ai duket se Serbia ka vendosur të mos e bëjë një gjë të tilë.

“Presidenti i Serbisë u zotua mbrëmë se do të kundërshtojë anëtarësimin e Kosovës në OKB. Kjo do të përbënte një shkelje të qartë të nenit 4 të propozimit të BE-së. Normalizimi i marrëdhënieve është i mundur vetëm nëse të dyja palët negociojnë në mirëbesim. Serbia me sa duket ka vendosur të mos e bëjë këtë”, ka shkruar Kurti në Twitter.

Serbia's President vowed last night to oppose Kosova's membership in the UN. This would constitute a clear breach of Art. 4 of the EU proposal. Normalization of relations is possible only if both parties negotiate in good faith. Serbia has apparently decided not to do so.

— Albin Kurti (@albinkurti) March 1, 2023

Presidenti i Serbisë, Aleksandër Vuçiq dje në një intervistë dhënë për “RTS” tha se Serbia është e gatshme të punojë në zbatimin e shumë gjërave, por nuk mund të diskutohet për njohjen e Kosovës dhe për anëtarësimin e saj në OKB.

Më 27 shkurt, Kurti dhe Vuçiq janë pajtuar në Bruksel që të mos ketë diskutime shtesë në lidhje me propozimin e BE-së. /Reporteri.net/