“Vergangenheitsbewltigung” – Një fjalë mjaft të gjatë në gjuhën gjermane e përmendi sot kryeministri Albin Kurti gjatë fjalimit të tij në Kuvendin e Kosovës, ku foli për planin evropian të cilit tashmë i ka thënë “Po”.

Ndërkohë, kryetari i Partisë Demokratike të Kosovës dhe deputeti Memli Krasniqi, fillimisht i tha se nuk kishte faj që nuk e shqiptoi mirë.

“Fjala jashtëzakonisht interesante, s’ka faj kryeministri që nuk mundi me e shqiptu edhe për gjermanët besoj që është zor, se është fjalë e gjatë.” – tha ai.

Sipas Krasniqit, kjo fjalë përdoret në diskutimin publik që një shoqëri e bën për “çështjen e rëndë në të cilën ka kaluar”.

Ai madje, shtoi se gjermanët e përdorin këtë fjalë për trajtimin e historisë së tyre të nazizmit.

“Gjermanët e kanë përdorë këtë fjalë që kryeministri e përmendi për me e trajtu historinë e tyre të nazizmit dhe nuk është një fjalë që lidhet me kontekstin tonë aktual.” – ka thënë ai gjatë fjalës së tij në Kuvendin e Kosovës.

Ndërkohë, për temin “Vergangenheitsbewltigung”, Kurti tha se nuk nënkupton harresën, por ballafaqimin me të kaluarën.

Deputetët tallen me gjermanishten e Kurtit, ai përdor telefonin për t’ua shpjeguar