Një rrahje ndodhi të dielën në qytetin e Gjakovës ku në rrugën “Hysni Dobruna” saktësisht në furrën “Parku i Lirisë”, u rrahën mes vete dy grupe.

Në videot e publikuara nga mediat shihet se si rrihen me grushte disa persona, të cilët nuk ndaleshin edhe përkundër ndërhyrjes së policisë.

Reporteri.net ka kontaktuar me drejtorin e Policisë rajonale të Gjakovës, Kristë Gjokaj, i cili ka thënë detaje për rrahjen në fjalë.

“Rrahja ka ndodhur mes 5 apo 6 personave. Ka qenë një sherr çasti, nuk ka pasur diç tjetër. Personat në fjalë janë të rrethit të Gjakovës”, ka deklaruar Gjokaj për Reporteri.net.

Kujtojmë se policia kishte arrestuar personat e dyshuar, por të njëjtit me urdhër të prokurorit të dyshuarit janë liruar në procedurë të rregullt. /Reporteri.net/.