Ministri i Brendshëm, Xhelal Sveçla, ka pritur sot në takim Drejtorin Federal të Policisë Kufitare të Gjermanisë, Dieter Romann.

Sveçla njoftoi se atij ia prezantoi prioritetet e Qeverisë në fushën e sigurisë, ndërsa bashkë me të vizitoi edhe pikën kufitare në Merdare, shkruan gazeta online Reporteri.net.

“Bashkë me Dr. Romann vizituam Pikën Kufitare në Mërdare ku u njoftuam për së afërmi me angazhimet policore, procedurat e kalimit kufitar, si dhe me kapacitetet që kemi në parandalimin dhe luftimin e aktiviteteve ilegale ndër-kufitare”, shkroi ministri në Facebook.

I njëjti tha se Kosova mbetet e përkushtuar në forcimin e bashkëpunimit rajonal, gjë që, sipas tij, po sfidohet nga Serbia.

“Ritheksova përkushtimin tonë në forcimin e bashkëpunimit rajonal ndonëse si i tillë sfidohet nga fqinji ynë verior. Përkundër kësaj, ne jemi të gatshëm dhe kontribuojmë aktivisht në çdo proces që ka për qëllim avancimin e shtetit tonë”.

Sveçla u dakordua me Romann që të intensifikohet edhe më tutje bashkëpunimi mes policisë së Kosovës dhe asaj të Gjermanisë. /Reporteri.net/.

Postimi i plotë: