Jo të gjithë në LDK janë kundër një koalicioni me PDK-në pas zgjedhjeve të reja nacionale kurdo që mbahen ato.

Një nga njerëzit më të fuqishëm në LDK, Gazmend Muhaxheri, kryetar i Pejës, ka thënë se preferon një koalicion qeverisës me Vetëvendosjen, por nuk ka vija të kuqe për asnjë parti, as për PDK-në.

“Pas zgjedhjeve, situata mundet me reflektu ndryshe. Unë s’po i vë vije të kuqe asnjërës, pasi qeverisi me PDK-në në Pejë. Nuk po i vë vijë të kuqe as PDK-së. Kryetari i ri mund t’i vë vijë të kuq secilit”, tha Muhaxheri për RTV Dukagjini, shkruan Reporteri.net.

Ai tha se nëse bëhet kryetar i LDK-së nuk do t’i vë vijë të kuqe as PDK-së për të ndërtuar koalicione. /Reporteri.net/.