Ish presidenti amerikan, Donald Trump, është paditur nga një juri e madhe në Nju Jork të enjten, mirëpo ai ende mund të kandidojë për president dhe kjo nuk do të thotë se fushata e tij presidenciale për zgjedhjet e vitit 2024 ka përfunduar.

Trump, i cili e ka shpallur kandidaturën e tij në nëntor të vitit, ende mund të kandidojë për president.“Asgjë nuk e ndalon Trumpin që të kandidojë ndërkohë që është i paditur, apo edhe i dënuar”, thotë Richard Hasen, profesor i drejtësisë në Universitetin e Kalifornisë, Los Anxhelos.

Kushtetuta amerikane i kërkon vetëm tri gjëra nga kandidatët për president të SHBA-ve:

• Të jetë qytetar i lindur në SHBA.
• Të jetë të paktën 35 vjeç.
• Të jetë banor i SHBA për të paktën 14 vjet.

Si çështje politike, është ndoshta më e vështirë për një kandidat i cili ka një aktakuzë të ngritur, dhe i cili mund të bëhet një kriminel i dënuar, që të fitojë vota. Provat nuk i lejojnë kandidatët të bëjnë më të mirën përpara. Por nuk është e ndaluar që të kandidojnë apo të zgjidhen.

Ka disa fusnota në Kushtetutë dhe në Amendamentet e 14-të dhe të 22-të, asnjë prej të cilëve aktualisht nuk zbatohet për Trump në rastet që mendohet se janë më afër aktakuzës zyrtare.

Limitet e afatit – Amendamenti i 22-të e ndalon këdo që ka qenë dy herë president (që do të thotë dy herë është zgjedhur ose ka shërbyer një pjesë të mandatit të dikujt tjetër dhe më pas ka fituar të tijin ose të saj) të kandidojë përsëri. Kjo nuk vlen për Trumpin që kur humbi zgjedhjet e vitit 2020.

Fajësimi (Impeachment) – Nëse një person fajësohet nga Dhoma e Përfaqësuesve dhe dënohet nga Senati për krime të larta dhe kundërvajtje, ai ose ajo hiqet nga detyra dhe skualifikohet nga shërbimi përsëri. Trump, edhe pse dy herë i fajësuar (impeached) nga Dhoma e Përfaqësuesve gjatë presidencës së tij, u lirua dy herë nga Senati.

Diskualifikimi – Amendamenti i 14-të përfshin një “klauzolë skualifikimi“, e shkruar posaçërisht për ish-ushtarët e Konfederatës.

Aktakuza në qytetin e Nju Jorkut në lidhje me pagesën me para për një aktore filmash nuk ka të bëjë fare me rebelimin apo kryengritjen.

As akuzat e mundshme federale në lidhje me dokumentet e klasifikuara. Akuzat e mundshme në kontenë Fulton, Gjeorgji, në lidhje me ndërhyrjen në zgjedhjet e vitit 2020 ose në nivel federal në lidhje me rebelimin apo kryengritjen e 6 janarit në Kapitol Hill mund të interpretohen nga disa si një formë kryengritjeje.

Mirëpo, kjo është një pyetje e hapur që do të duhej të zgjidhej përmes gjykatave. Zgjedhjet presidenciale të vitit 2024 në SHBA po afrohen me shpejtësi./CNN