Armand Duka fitoi mandatin e dytë si anëtar i Komitetit Ekzekutiv në UEFA. Presidenti i FSHF-së do e mbajë këtë post edhe për katër vite të tjera.

Duka është një nga nëntë anëtarët e rinj të Komitetit Ekzekutiv. Kreu i futbollit shqiptar mori 45 vota, si anëtari më i votuar.

Komiteti Ekzekutiv i UEFA-s është organi më i lartë vendimmarrës në qeverinë europiane të futbollit.

Sot u mblodhën së bashku në Lisbonë presidentët dhe sekretarët e përgjithshëm të 55 shoqatave anëtare të UEFA-s për të marrë vendimet.

Komiteti përbëhet nga 9 anëtarë. Njëra është femër Laura McAllister (Uells), ndërkohë që Hans-Joachim Watzke (Dortmund) është fituesi për mandatin 2-vjeçar.