Bad News Eagles kanë fituar ndeshjen e parë ndaj GamerLegion.

Skuadra shqiptare shkëlqeu në mapin ‘Mirage’ duke triumfuar me rezultat 16:7, pas një paraqitje fantastike nga të gjithë lojtarët.

Më i dalluari nga ‘Shqiponjat’ deri më tani ishte Flatron ‘juanflatroo’ Halimi me 27 vrasje, kurse pas tij ishte Dionis ‘sinnopsyy’ Budeci me 17 të tilla.

Ndërkaq, te skuadra kundërshtare më i disponuari ishte Mihai ‘iM’ Ivan me 19 vrasje.

Ndeshja tjetër do të zhvillohet në mapin e zgjedhur nga GamerLegion ‘Ancient’.

Fituesi i këtij dueli ‘Bo3’ do të kualifikohet në ‘Legends Stage’ të kompeticionit më të madh në botë në CS:GO, Major Paris.