Shefi i Kabinetit të Presidentes së Kosovës, Blerim Vela ka thënë se Serbia nuk po u lejon vizitën e familjarëve, qytetarëve të Kosovës.  

Sipas shefit të Kabinetit të Presidencës, Serbia po vepron kështu me pretekstin se nuk njohin letërnjoftimet e Kosovës.

“Institucionet e Serbisë po ua mohojnë në mënyrë sistematike qasjen anëtarëve të familjeve të qytetarëve të Kosovës të mbajtur aktualisht në qendrat e paraburgimit në Serbi me pretekstin se ata nuk i njohin ID-të e Kosovës.”, shkruan Vela në Twitter, përcjell Reporteri.net

Vela thotë se ky është një shkelje e marrëveshjeve të Brukselit dhe e të drejtave themelore të njeriut nga regjimi i Vuçiqit.

Kosova dhe Serbia kanë arritur marrëveshje për dokumentet identifikuese vitin e kaluar në kuadër të dialogut ku Serbia ka vendosur të pranojë dokumentet kosovare, me këtë rast duke u hequr pengesat për lëvizje të lirë./Reporteri.net./

Postimi i plotë:

Serbia’s institutions are systematically denying access of family members to Kosovo citizens currently detained in detention centers in Serbia with a pretext that they don’t recognize ?? IDs.

This is a violation of Brussels agreements & the basic human rights by Vučić’s regime.

— Blerim Vela (@Blerim_Vela) April 10, 2023