Komisioni Qendror i Zgjedhjeve sot do të mbajë mbledhjen që ishte paraparë të mbahej të martën.

Këtë e bëri të ditur zëdhënësi i KQZ-ës, Valmir Elezi.

Sipas tij, në rend dite ishin një varg pikash që kishin të bënin me organizimin e zgjedhjeve në veri dhe se anëtarët kanë konstatuar se u duheshin më shumë informacione në lidhje me çështjet që do të diskutoheshin.

Elezi tha dje KQZ-ja po i vazhdon përgatitjet për mbajtjen e zgjedhjeve të jashtëzakonshme lokale në veri të vendit.

“Komisioni Qendror i Zgjedhjeve po i vazhdon përgatitjet në kuadër të planifikimeve. I kemi parasysh edhe sfidat që e shoqërojnë këtë proces zgjedhor. Jemi të përkushtuar t’i përmbushim detyrat tona kushtetuese dhe ligjore për planifikimet po bëhen në bazë të dinamikës. Për qendrat e votimit, në mbledhjen e radhës do të miratohet lista e vendvotimeve. Jemi duke i kryer detyrat tona kushtetuese dhe ligjore për organizimin e këtyre zgjedhjeve”, shtoi zëdhënësi i KQZ-së.

Zgjedhjet e jashtëzakonshme në veri, pritet të mbahen më 23 prill.

Lista Serbe, kanë bojkotuar këto zgjedhje.