Policia e Kosovës, Njësitet e Task-Forcës operative të Drejtorisë Rajonale të Policisë Kufitare Lindje, ka njoftuar se ka parandaluar kalimin e mallrave ilegale nga Serbia në Kosovë dhe ka arrestuar një serb me iniciale J.J.

Sipas njoftimit të Policisë, nga vëzhgimi i rrugëve malore që lidhen nga Konquli-Serbi me fshatin Korminjan-Republika e Kosovës, ku rreth orës 19:30, në rrugë malore është ndaluar një traktor me rimorkio, i cili drejtohej nga i dyshuari.

“Sot më 13.04.2023 Njesitë policore të kësaj task force kanë kryer vëzhgimin e rrugëve malore që lidhen nga Konquli-Serbi me fshatin Korminjan-Republika e Kosovës,  ku rreth orës 19:30, në rrugë malore është ndaluar një traktor me rimorkio, i cili drejtohej nga personi i dyshuar m/serb, me iniciale( J.J), nga një fashat i komunës së Ranillug-ut”, njofton Policia, përcjell Reporteri.net.

Gjatë kontrollit të Policisë janë gjetur 20 arka birra “Tuborg”, 50 arka birra “Zajqevsko” dhe 2550 zogj të vegjël, të gjitha dyshohen të jenë të kontrabanduara nga Serbia.

“Gjatë kontrollit është vërejtur se kishte pasur të ngarkuara  (20) arka të birrës “Tuborg” (50) arka të birrës  “Zajqevsko” dhe (2550) zogj (shpezë) të vegjël. Malli dyshohet të jetë kontrabanduar nga territori i Serbisë dhe ishte futur ne Republikën e Kosovës në mënyrë ilegale”, thuhet në njoftim.

I dyshuari është arrestuar dhe rasti është duke u trajtuar nga njësitet përkatëse policore./Reporteri.net./

Komunikata e  Policisë:

Parandalohet edhe një rast i kontrabandës me mallra

Prishtinë, më 13 prill 2023

Policia e Kosovës, Njësitet e Task-Forcës operative të Drejtorisë Rajonale të Policisë Kufitare Lindje, pas pranimit të informatave nga terreni për lëvizje të dyshimta në brezin kufitar, kanë ndërmarrë masa të nevojshme operativo-taktike, duke intensifikuar kontrolle në rrugët e brezit kufitar dhe rrugët dytësore të fshatrave të Vitisë dhe si rezultat i kësaj është parandaluar një rast i kontrabandës me mallra.

Sot më 13.04.2023 Njesitë policore të kësaj task force kanë kryer vëzhgimin e rrugëve malore që lidhen nga Konquli-Serbi me fshatin Korminjan-Republika e Kosovës,  ku rreth orës 19:30, në rrugë malore është ndaluar një traktor me rimorkio, i cili drejtohej nga personi i dyshuar m/serb, me iniciale( J.J), nga një fashat i komunës së Ranillug-ut.

Gjatë kontrollit është vërejtur se kishte pasur të ngarkuara  (20) arka të birrës “Tuborg”; (50) arka të birrës  “Zajqevsko”  dhe (2550) zogj (shpezë) të vegjël.

Malli dyshohet të jetë kontrabanduar nga territori i Serbisë dhe ishte futur ne Republikën e Kosovës në mënyrë  ilegale.

I dyshuari i lartcekur me iniciale është arrestuar dhe është shoqëruar për intervistim në Stacionin Policor për Mbikëqyrjen e Kufirit.

Rasti është trajtuar nga njësitë përkatëse policore nga Drejtoria Rajonale e Policisë Kufitare Lindje në koordinim me prokurorinë përkatëse,  Doganat e Republikës së Kosovës dhe AVUK-në.