Presidenti i AKR-së, Behgjet Pacolli, e ka pritur në konakun e tij, kryeministrin në detyrë i Malit të Zi, Dritan Abazoviq.

Pacolli tha se deshi që Abazoviqin ta falënderojë për përkrahjen ndaj Kosovës, shkruan Reporteri.net.

“Në iftarin e 23-të pata kënaqësi të mirëpres sonte në shtëpi Kryeministrin e Malit të Zi Dritan Abazoviq me ministrat e tij dhe delegacion përcjellës, përfshirë edhe miq tjerë të biznesit kosovar, në krye me mikun tim Agim Shahinin”.

“Kryeministrin e falënderova edhe për vizitë, dhe për përkrahjen e tij ndaj Kosovës. Është krenari kur shohim shqiptarët të avancuar në pozita të larta shtetërore në shtetet fqinj”, njoftoi Pacolli në Facebook. /Reporteri.net/.