Arnold gjergjaj do të luftojë në verë për ta fituar një mundësi të garojë për titullin e kampionit të botës në kategorinë e rëndë.

Boksieri kosovar nga Zvicra, i njohur si Kobra, po bëhet gati për t’u rikthyer në ring. Ai do ta mbrojë titullin Interkontinental të Federatës Botërore të Boksit në kategorinë e rënë më 24 qershor, të cilin e kishte fituar në mars duke e nokautuar në rundin e dytë gjermanin Dominic Vial.

Pra, tani lufta e 39-të profesionale e Gjergjajt në Bazel do të jetë e para në të cilën ai e mbron titullin. Kundërshtari i tij është një 32-vjeçar nga Letonia, Kristaps Zutis.

Nëse Gjergjaj, 38 vjeç, fiton në luftën e tij të tretë brenda tetë muajve, atëherë rruga për një luftë më të madhe do t’i hapej.

Atij mund t’i jepet mundësia për të luftuar për titullin e kampionit të botës nga Federata Botërore e Boksit, e cila është një federatë e vogël.

I lindur në Gjakovë, Gjergjaj u zhvendos në Zvicër në moshën 14-vjeçare dhe titullin evropian në kategorinë e rëndë në vitin 2014, duke u bërë boksieri i parë me licencë zvicerane që e arrin këtë.

Në rastin më të mirë për ta treguar veten, Gjergjaj zhgënjye tej mase në vitin 2016, kur u turpëruar nga ish-kampioni i botës, britaniku David Haye.

Haye e mposhti me nokaut teknik kosovarin në rundin e dytë. Gjergjaj u kritikua për paraqitjen e tij skandaloze atë kohë.

Para asaj përballjeje, Gjergjaj kishte një rekord prej 29 fitoreve, 21 prej të cilave me nokaut, 0 humbje dhe 0 barazime, prandaj edhe pritjet ishin të mëdha nga ai.

Që prej atëherë, ai nuk ka qenë në gjendje ta fitojë mundësinë për të luftuar për ndonjë titull në katër divizionet e boksit profesional.