Xhudistja kosovare, Distria Krasniqi, ka arritur që të rënditet si më e mira në botë, në renditjen e publikuar nga Federata Ndërkombëtare e Xhudos.

Për këtë, Krasniqin e ka uruar edhe kryeministri i vendit, Albin Kurti, shkruan gazeta online Reporteri.net.

Ai ka thënë se gratë si Distria e kanë nderuar dhe vazhdojnë ta nderojnë vendin me medalje olimpike.

“Urime Distria Krasniqit për renditjen #1 sipas Federatës Ndërkombëtare të Xhudos (kategoria deri në 52 kg). Gratë që konkurrojnë në xhudo e kanë nderuar vendin me medaljen e parë të artë olimpike dhe vazhdojnë të sfidojnë shanset si atletë lider në botë. Kosova është krenare!”, e uroi Kurti-Krasniqin përmes një shkrimi në Twitter.

Congratulations to Distria Krasniqi for ranking #1 according to the International Judo Federation (up to 52kg category). Women competing in judo have honored the country with the first-ever Olympic gold medal and continue to defy the odds as world-leading athletes.🇽🇰 is proud! pic.twitter.com/GUMCpHzPyx

— Albin Kurti (@albinkurti) May 15, 2023

Xhudistja kosovare doli si e para në kategorinë deri 52 kilogramë, me 7 mijë e 275 pikë të grumbulluara. Pas saj vjen xhudistja britanike, Chelsie Giles, e cila ka marrë 7 mijë e 10 pikë. /Reporteri.net/.