Një skenë emocionuese ndodhi në Francë gjatë ndeshjes së djeshme mes Nantes dhe Montpellierit.

Gjegjësisht, Issiaga Sylla, futbollisti i skuadrës së Montepellier, ka luajtur të gjitha 90 minutat në fushë, edhe pse vetëm pak orë para ndeshjes ka marrë vesh lajmin më të keq të mundshëm – se nëna e tij ka ndërruar jetë.

Ndonëse mësoi lajmin e hidhur, ai arriti të gjejë forcën për të dalë në fushë dhe për të kontribuar në fitoren e skuadrës së tij.

Por, sapo mbaroi, emocionet e tij e pushtuan plotësisht, duke shpërthyer në lot.

Shokët e skuadrës erdhën për ta ngushëlluar megjithatë atij nuk iu ndalnin lotët.

Ai arriti të qetësohej pas një kohe të caktuar. Pamjet janë shpërndarë gjithandej në rrjetet sociale.