Dy vëllëzër nga Kosova, pronarë të një furre në fshatin Dollovë afër Pancevës janë bërë shkak i një proteste të serbeve të kësaj zone. Të dy më vonë janë arrestuar.

Janë postimet në Facebook të dy vëllezërve ato që kanë shqetësuar banorët serb, të cilët pasi kishin hulumtuar llogarit e dy kosovarëve kanë parë se kanë fotografi me simbole kombëtare shqiptare.

Serbët kanë folur për të përditshmën serbe “vecernje novosti”, duke treguar se fotografitë e dy kosovarëve i kanë printuar dhe i kanë vendosur para furrës së tyre për t’iu treguar të gjithëve.

Policia serbe më pas ka arrestuar dy vëllezërit, pasi kishin pasur fotografi edhe me pushkë.

Ata kanë thënë se po ndjehen të rrezikuar nga dy vëllëzërit që kanë shkuar në atë fshat para katër vjetësh. Madje thonë se nuk do të flenë të qetë

“Nuk është njësoj, do të përpiqem me të gjitha mënyra që ta shkëpus kontratën dhe ata sa më shpejtë të largohen nga këtu. Janë fotografuar në shtëpinë time me pushkë, derisa fëmijët e mi flinin lart. Kurrë s’ua kemi thënë asnjë fjalë të keqe, të gjithë kemi blerë bukë te ta, iu paraqiteshim njëri-tjetrit. Paguanin me rregull qiranë e llogaritë, por kjo nuk mund të kalohet”, ka thënë Nebojsha Stojanoviq, pronar i lokalit të cilin kosovarët e kanë marrë me qira.