Ishte raportuar ditë më parë se Anthony Joshua dhe Andy Ruiz kishin caktuar vendin ku do të ndesheshin në rimeçin e shumëpritur.

Joshua humbi titujt në luftën kundër meksikanit Ruiz, ndërsa kërkon t’i kthejë ata sa më parë në duelin e radhës ndaj tij, shkruan Reporteri.net

Mirëpo, nuk po shkon gjithçka sipas planit për Anthony Joshuan i cili është duke u bërë nervoz me kokëfortësinë e Ruizit.

Së fundmi, raportohet se Andy Ruiz po refuzon të nënshkruajë marrëveshjen e rimeçit me Joshuan derisa ai nuk merr më shumë para.

Ai veqse ka marrë 9 milionë dollarë për t’u ndeshur me anglezin në dhjetor, por ai dëshiron më shumë përpara se të nënshkruajë marrëveshjen.

Rimeçi për titujt e IBF, WBA dhe WBO supozohet të zhvillohet në Diriyah, në Arabinë Saudite më datën 7 dhjetor, ditë e shtunë.

Ruiz kishte shokuar botën e boksit kur në qershor kishte nokautuar hiç më pak se 4 herë kampionin e deri atëhershëm, Anthony Joshuan, ndërsa anglezi shpejtë aktivizoi klauzolën e rimeçit pas ndeshjes./Reporteri.net/