Ish-zëvendëskryeministri Arben Ahmetaj ka reaguar nga arratia në lidhje me kontrollet e ushtruara në banesat e tij dhe të familjarëve të tij me urdhër të SPAK si dhe për sekuestrimin e 4 apartamenteve.

Në një postim në Facebook ai ka thënë se prindërve të tij u janë marrë edhe celularët.

Postimi i plotë:

Sot u bë raprezalja e rradhës në familjen time, nga mosha 82 vjeç e poshtë.

Madje pleqve iu janë marrë dhe celularët, në kërkim të provave për “inceneratorët”.

Ndërsa “spin doctor”/kontakt inceneratorësh, ka qarkulluar lajmin e rremë se qenkan transferuar 1,8 milionë euro…Në vend të merren me fondet e inceneratorëve, merren me 1,8 milione euro imagjinarë.

Fake news e prodhuar në laboratorët e ortakërisë mediatike dhe jo vetëm, të inceneratorëve ….