Katërdhjetë e një imigrantë kanë vdekur pasi iu përmbyt anija me të cilën po udhëtonin, në ishullin Lampedusa në Itali, pasi u përballën me një valë të madhe në ujë.

Siç kanë treguar katër persona që i mbijetuan këtij aksidenti, anija po lundronte nga Tunizia drejt Italisë, raporton BBC, transmeton gazeta online Reporteri.net.

Në mesin e viktimave janë edhe tre fëmijë.

Dhe ndonëse 15 prej tyre patën veshur jelekë shpëtimi, kjo nuk u mjaftoi për t’i shpëtuar nga mbytja.

Katër të mbijetuarit ia dolën t’i shpëtonin fatkeqësisë duke notuar në tubat e brendshëm të anijes.

Ndërkohë, përpos kësaj fatkeqësie, më shumë se 1,800 njerëz kanë humbur jetën këtë vit derisa po kalonin kufirin nga Afrika Jugore në Evropë. /Reporteri.net/.