Ballkani sonte do ta zhvillojë ndeshjen e kthimit në kuadër të play-offit për Ligën e Konferencës.

Kampioni në fuqi i Kosovës ndeshet sonte në Hungari me ekipin bjellorus, BATE Borisov me fillim nga ora 20:00.

Suharekasit kanë një epërsi të madhe nga ndeshja e parë, të cilën e fituan me rezultat 4:1 në stadiumin “Fadil Vokrri” sot një javë.

E në Hungari, të zgjedhurit e Ilir Dajës do të kërkojnë ta përsërisin suksesin historik të vitit të kaluar.

Sezonin e shkuar, Ballkani arriti të kualifikohej në fazën e grupeve të Ligës së Konferencës.

Aty, ata u kufizuan në katër pikë, duke mos e arritur kualifikimin tutje në fazat e nokautit.