Një person është gjetur i vdekur mbrëmjen e sotme në rrugën e Ullishtes, pranë Liqenit të Thatë në Tiranë.

Policia e kryeqytetit njofton se trupi i pajetë i përket G.S, 31 vjeç, banues në Tiranë.

Në trupin e viktimës nuk janë konstatuar shenja dhune, ndërsa mendohet se ai ka ndërruar jetë nga shkaqe natyrale.

Gjithashtu, policia e Tiranës sqaron se ky shtetas ishte shpallur në kërkim tetë ditë më parë, pas denoncimit të familjarëve pasi ishte larguar nga banesa.

Njoftimi i Policisë
Në rrugën e “Ullishtes”, në afërsi të Liqenit të Thatë, nga ana e shërbimeve të Komisariatit të Policisë Nr 1, është gjetur i pajetë shtetasi G. S., 31 vjeç, banues në Tiranë.
Nga kqyrja paraprake në trupin e viktimës nuk janë konstatuar shenja dhune. Dyshohet se vdekja i ka ardhur nga shkaqe natyrale.
Ky shtetas ishte shpallur në kërkim nga Komisariati Nr 2 Tiranë më datë 08.08.2019, për largim nga banesa. Materialet do t’i kalojnë Prokurorisë së Gjykatës Shkallës Parë Tiranë për veprime të mëtejshme.