K.F. Ballkani e ka dëshmuar edhe njëherë që është një prej ekipeve liderë të rajonit në futboll.

Kampioni i Kosovës ka triumfuar pastër me rezultat 2-0, ndaj favoritit të grupit, Dinamo Zagrebit, në kuadër të fazës së grupeve në Ligën e Konferencës, shkruan Reporteri.net.

“Me golat e super lojtarëve tanë, Almir Kryeziu dhe Walid Hamidi, arkëtojmë 3 pikët e para në kampanjën e grupeve të UEFA Europa Conference League. Faleminderit të gjithëve për mbështetjen madhështore që ia bëni kampionit të Kosovës”, ka shkruar Ballkani në Facebook me rastin e fitores.

Përpos 3 pikëve, kjo fitore ia ka siguruar suharekasve edhe 500 mijë euro.

Si pjesë e grupit C, Ballkani aktualisht gjendet në pozitën e dytë, me 3 pikë, i ndjekur nga Dinamo Zagrebit, po ashtu me 3 pikë. Tabelën e kryeson Viktoria Plzen, me gjashtë pikë, pas dy ndeshjeve të fituara. /Reporteri.net/.