Kanë dalë në shitje biletat për ndeshjen kualifikuese të Evropianit ndërmjet Zvicrës dhe Kosovës. 

Ky ballafaqim do të zhvillohet më 18 nëntor në “St. Jakob Park” në Bazel, dhe nis në orën 20:45. Biletat kanë çmimin prej 15 deri në 100 euro.

Në stadiumin “Fadil Vokrri” në Prishtinë më 9 shtator, Kosova e Zvicra barazuan me rezultatin 2:2. Për Kosovën dy gola i kishte shënuar Vedat Muriqi. Ndërkohë për Zvicrën realizuan Remo Freuler dhe Amir Rrahmani që shënoi autogol.