Liverpool ka shënuar fitore të pastër 2:0 në shtëpi ndaj Evertonit në kuadër të javës së nëntë në Premierligë.

Punët u përkeqësuan tej mase për Evertonin, kur Young mori kartonin e dytë të verdhë në minutën e 37-të, duke e lënë skuadrën e tij me një lojtar më pak.

Mohamed Salah kaloi vendasit në epërsi në minutën e 75-të, duke u treguar i saktë nga penalltia.

Ishte sërish Salah që dyfishoi epërsinë në minutën e shtatë shtesë.

Me këtë fitore, Liverpooli merr përkohësisht primatin në renditje me 20 pikë gjithsej.

Në anën tjetër, Evertoni mbetet në pozitën e 16-të me shtatë pikë.