Policia e Hamburgut është në gatishmëri pasi një burrë i panjohur depërtoi një pengesë sigurie dhe hyri në terminalin e aeroportit.

Burri është i armatosur dhe me të në makinën Audi janë edhe fëmijë.

Aktualisht aeroporti është i bllokuar dhe pasagjerët janë duke u evakuuar. Helikopterët e policisë janë ngritur dhe po lëvizin drejt aeroportit.

Sipas informacioneve fillestare, i dyshuari me një mjet  Audi pa targa ka arritur të marrë rrugën për në një aeroplan në pistë. Ai qëlloi të paktën dy të shtëna dhe hodhi kokteje molotovi, raporton Bild.

Burri dyshohet se u denoncua nga gruaja e tij, e cila i tha policisë se ai kishte marrë fëmijët dhe po shkonte për në aeroport.

Mediat gjermane raportojnë se policia angazhoi ekipe negociuese për të biseduar me rrëmbyesin. Me të thuhet se janë vendosur kontaktet e para.

Gunman at Germany's Hamburg Airport set fires on the tarmac, fired at least 2 shots into the air before parking his car underneath a plane – Bild pic.twitter.com/aeGI4TdvOP

— BNO News (@BNONews) November 4, 2023