Kombëtarja e Kosovës në futboll ka kryer stërvitjen e fundit para ndeshjes së nesërme kundër Izraelit.

“Dardanët” përfunduan seanca të lehta stërvitore, si fizike ashtu edhe teknike.

Nesër me fillim nga ora 20:45 stadiumi “Fadil Vokrri” do të jetë nikoqir i ndeshjes mes Kosovës dhe Izraelit, në kuadër të kualifikimeve për Euro 2024.

Kosova tashmë ka gjasa minimale për një kualifikim të mundshëm, pasi “Dardanët” janë në vendin e katërt në renditje me vetëm shtatë pikë.

Izraeli është një pozitë më lartë me 11 pikë, por ka edhe një ndeshje më pakë të zhvilluar se Kosova.