Presidentja Vjosa Osmani ka dekretuar 15 gjqytarë të rinj me mandat fillestar.

Dekretimi erdhi pas propozimit të Këshillit Gjyqësor, ashtu siç e parasheh legjislacioni në fuqi.

Gjyqtarët e rinj u betuan se “Do t’i qëndrojnë besnik Kushtetutës së Republikës së Kosovës, ligjeve në fuqi dhe do të respektojnë rregullat e etikës profesionale, si dhe do të kryejnë me besnikëri në mënyrë të pavarur, profesionale dhe të paanshme detyrat e tyre”.

“Presidentja Osmani ka potencuar se integriteti dhe profesionalizmi i gjyqtarëve janë elemente thelbësore për një sistem të drejtësisë që garanton barazi për të gjithë dhe besim qytetar”, thuhet në një njoftim.