×
  • Lajme
  • Lajme / Intervista

    Presidentja Osmani flet për raportet me Edi Ramën: Shqipëria është zëri ynë atje ku nuk kemi përfaqësim, duhet ta unifikojmë politikën e jashtme

    Reporteri
    17 Janar 2024 | 8:20

    Presidentja e vendit, Vjosa Osmani ka folur për ndryshimin “për të mirë” në raportet me kryeministrin shqiptar, Edi Rama.

    Osmani në një intervistë ekskluzive për gazetën online Reporteri.net ka thënë se pavarësisht dallimeve në disa çështje, është shumë me rëndësi që shqiptarët të unifikojnë politikën e tyre të jashtme.

    E para e shtetit ka thënë se Shqipëria është zëri i Kosovës aty ku shteti ynë nuk ka përfaqësim, dhe andaj thotë se shtetin shqiptar duhet ta konsiderojmë jo vetëm shtet simotër, por edhe aleat të fuqishëm në përballje me sfidat përpara.

    “Me qëllim të shtyrjes përpara të prioriteteve tona, është shumë me rëndësi që shqiptarët në rajon të unifikojnë politikën e jashtme. Shqipëria është zëri ynë atje ku nuk kemi përfaqësim, ndaj pavarësisht dallimeve që kemi pasur në disa çështje, ne duhet të vazhdojmë të koordinohemi dhe ta konsiderojmë shtetin shqiptar jo vetëm shtet simotër, por aleat strategjik të fuqishëm në përballje me sfidat që i kemi përpara. Kosova duhet të vlerësojë e të fuqizojë më shumë se çdo herë tjetër aleancat e saj. Bashkëpunimi e bashkërendimi me ata që na qëndruan pranë në momentet më të rënda të historisë sonë është veprim në shërbim të shtetit. Shteti ynë i ka themelet e forta sepse qëndron mbi sakrificën e popullit tonë, por edhe mbi partneritetet që i kemi ndërtuar. Prandaj, bashkëpunimi me Shqipërinë në fuqizimin e shtetit të Kosovës është esencial”, ka thënë presidentja Osmani në intervistën për gazetën online Reporteri.net.

    Më poshtë mund të lexoni intervistën ekskluzive të presidentes Vjosa Osmani, për gazetën online Reporteri.net. 

     

    Vjosa Osmani i ka gati komentet kur drafti i BE’së për Asociacionin dërgohet në Kushtetuese: Para interesave politike, të jetë interesi i Republikës

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2025. Të gjitha të drejtat e rezervuara.

    Linku i lajmit u kopjua!