Një pjesë e kulmit të objektit të ri të Komunës së Prishtinës në Arbëri, ka rënë si pasojë e erërave të forta.

Në pamjet e siguruara nga gazeta online Reporteri.net shihen pasojat e rënies së kulmit, nga çka siç mëson Reporteri.net ka mbetur një person i lënduar.

Viktima është dërguar për tretman mjekësor në QKUK.

Në vendin e ngjarjes kanë dalë edhe pjesëtarë të Policisë së Kosovës.

Gazeta online Reporteri.net ka kontaktuar me Policinë e Kosovës për të marrë më shumë detaje rreth rastit por të njëjtit nuk kanë kthyer ende përgjigje.