23 vjeçarja e cila është lënduar sot si pasojë e rënies së kulmit të objektit të Komunës së Prishtinës, do t’i nënshtrohet një operacioni.

Kështu tha për Insajderin zëdhënësi i QKUK-së, Shpend Fazliu.

Fazliu tha se kjo po ndodhë pasi kontrollimit të CT-së së dytë.

Ajo do të operohet nga neurokirurgët e QKUK-së në sallën emergjente.

“Ju konfirmojmë se aktualisht, pas CT-së së dytë kontrolluese, pacientja po i nënshtrohet një operacioni nga neurokirurgët në sallën emergjente. Pas operacionit pritet të transferohet në Mjekim Intnesiv Qendror për trajtim të mëtejmë!”, tha Fazliu.

Reporteri.net pak më parë raportoi se e lënduara është motra e deputetes së VV-së, Fjolla Ujkani.