Lulzim F., 18-vjeçar nga Podujeva, gjashtë ditë më parë u godit me makinë nga persona të dyshuar të cilët më pas e rrahën për vdekje me shufra metalike.

Viktima u dërgua për trajtim në Spital, pasi mori lëndime të rënda nga dy persona të dyshuar. Si pasojë e plagëve të marra Lulzimi 18 vjeçar ndërroi jetë të shtunën në QKUK.

Policia po heton rastin si “Vrasje në tentativë”, përkitazi me ngjarjen që kishte ndodhur ditën e 14 janarit në rrugën “Drenica” në Podujevë.

Portali “Indeksonline” ka publikuar pamjet e këtij krimi. Ato janë pamje të rënda dhe shqetësuese, ndaj gazeta online Reporteri.net nuk do t’i rishpërndajë.

Aty shihet momenti kur makina goditi 18 vjeçarin dhe më pas dy personat e dhunuan për vdekje me shufra metalike.

Të dyshuarit janë të moshës 16 dhe 17-vjeçare. /Reporteri.net/.