Një shpërthim në një ndërtesë banimi në Drohobych të Ukrainës perëndimore i ka lënë të vdekur dy persona.

Zyrtarët e qeverisë rajonale të Lvivit thanë se ka gjasa që ky incident të jetë shkaktuar nga shpërthimi i gazit natyror në orët e para të së mërkurës.

Nga shpërthimi u shkatërruan disa banesa nga kati i parë deri në katin e katërt.

Sipas zyrtarëve, shtatë persona, përfshirë katër fëmijë, janë dërguar në spital për shkak të lëndimeve.

Ekipet e shpëtimit po i vazhdojnë kërkimet për tre persona të zhdukur, të cilët besohet se ndodhen nën rrënoja.

Autoritetet thanë se i kanë nisur hetimet lidhur me këtë rast, shkruan “Free Europe”, transmeton Gazeta Express.