Një tërmet me magnitudë 5.2 shkallësh të Rihterit ka ndodhur në qytetin e Malatyas.

Presidenca e Menaxhimit të Fatkeqësive dhe Emergjencave (AFAD) në kuadër të Ministrisë së Punëve të Brendshme të Turqisë njoftoi se epiqendra e tërmetit ishte rrethi Battalgazi.

Tërmeti, i cili ndodhi në orën 16.04 (sipas kohës lokale turke) në një thellësi prej rreth 14 kilometrash, u ndje në Malatya si dhe në provincat përreth Kahramanmaraş, Adıyaman, Gaziantep dhe Mardin.

Raportohet se njerëzit dolën në rrugë në panik pas tërmetit të rëndë, shkruan bbc.

#Malatya #Battalgazi’de 5️⃣,2️⃣ büyüklüğünde meydana gelen ve çevre illerden de hissedilen depremde, AFAD ve ilgili kurumlarımızın tüm ekipleri saha tarama çalışmalarına başlamıştır. An itibari ile herhangi olumsuz bir durum yoktur.

Gelişmeleri yakından takip ediyoruz.… pic.twitter.com/sgVF4WvnDn

— Ali Yerlikaya (@AliYerlikaya) January 25, 2024

Ministri i Punëve të Brendshme, Ali Yerlikaya, ka deklaruar se kanë filluar punimet e skanimit në terren dhe se “për momentin nuk ka asnjë situatë negative”.

Malatya është ndër qytetet më të prekura nga tërmetet me qendër Kahramanmaraş që ndodhën më 6 shkurt të vitit 2023.

Më 22 prill të kaluar, ministri i atëhershëm i Punëve të Brendshme, Suleyman Soylu, njoftoi se nga tërmetet humbën jetën 50 mijë e 783 persona.

Numri i personave që humbën jetën në Malatya u njoftua 1393 dhe numri i të plagosurve ishte 9108. /Telegrafi/